سوال: میری پندرہ سالہ لے پالک بیٹی نے مجھے گلے لگایا، جس سے بے اختیار شہوت پیدا ہوئی، اور عضو میں ہلکی سی سختی آئی، کیا حرمتِ مصاہرت ثابت ہوگئی؟

جواب: واضح رہے کہ حرمت مصاہرت کے ثبوت کے لیے چند شرائط ہیں:
1)۔ جس عورت کو شہوت کے ساتھ چھوا ہے وہ مشتھاۃ (قابل شہوت) ہو، یعنی کم از کم نو سال کی ہو۔
2)۔ اس عورت کو چھوتے وقت ہی شہوت پیدا ہو، بعد میں شہوت پیدا ہونا معتبر نہیں ہے۔
3)۔ شہوت پیدا ہونے کی کوئی معتبر علامت پائی جائے، اور اگر پہلے سے شہوت موجود ہو تو چھوتے وقت شہوت میں مزید اضافہ ہو جائے۔
4)۔ شہوت کے ساتھ چھونا اس طور پر ہو کہ درمیان میں کوئی کپڑا وغیرہ حائل نہ ہو، اگر درمیان میں کوئی کپڑا حائل ہو تو اس قدر باریک ہو کہ جسم کی حرارت پہنچنے سے مانع نہ ہو، ورنہ حرمت مصاہرت ثابت نہیں ہوگی۔
اس ساری تفصیل کے بعد صورت مسئولہ میں لے پالک بیٹی کو شہوت کے ساتھ گلے لگانے سے حرمت مصاہرت اس طور پر ثابت ہو جائے گی کہ آپ پر لے پالک بیٹی کے اصول و فروع حرام ہو جائیں گے، اور لے پالک بیٹی پر آپ کے اصول و فروع حرام ہو جائیں گے، لہذا آپ کے لیے اپنی لے پالک بیٹی کو شہوت کے ساتھ گلے لگانا ناجائز اور حرام ہے، اس پر توبہ و استغفار کرنا لازم ہے۔