سوال: السلام علیکم، مفتی صاحب! ٹرین میں سفر کے دوران جب اسٹیشن پر ٹرین رکتی ہے، اس وقت وضو کر کے نماز پڑھنے کا وقت بہت مختصر ہوتا ہے، اگر وضو میں ہر ہر اعضاء کو تین تین مرتبہ دھویا جائے، تو وقت کافی لگ جائے گا، کیا اس صورت میں ایک ایک مرتبہ ہر عضو دھو لینا کافی ہے، کیا یہ سنت کے خلاف تو نہیں ہوگا؟

جواب: صورت مسئولہ میں وقت کے قلت کی وجہ سے وضو میں ایک ایک مرتبہ ہر عضو دھو لینا کافی ہے، شرعاً اس میں کوئی قباحت نہیں ہے، البتہ اس کا معمول ہرگز نہیں بنانا چاہیے۔