سوال: میں اور میرا چھوٹا بھائی میت کو نہلانے کا کام کرتے ہیں، اور اس پر اجرت لیتے ہیں، ہم میت میں اچھی بات دیکھتے ہیں، تو اسے تو ہم لوگوں کو بتادیتے ہیں، لیکن بسا اوقات کسی میت میں ہم بری بات دیکھتے ہیں، تو کیا ہم وہ بری بات بھی لوگوں میں بتا سکتے ہیں؟

جواب: اگر غسل دینے والے کسی میت میں کوئی بری بات دیکھیں، تو اسے لوگوں میں بیان نہ کریں، البتہ اگر کوئی میت ایسی ہو، جو اپنی زندگی میں بدعتی ہونے میں مشہور ہو، اور اس میں کوئی بری بات دیکھی گئی ہو، تو اس بات کو غسل دینے والے لوگوں میں بیان کردیں، تاکہ لوگ اس سے عبرت حاصل کریں اور اس بدعت سے دور رہیں۔