سوال: مفتی صاحب! اگر میاں، بیوی نے سوکر اٹھنے کے بعد بستر پر منی کا نشان دیکھا، اور معلوم نہ ہوسکے کہ کس کی منی ہے، تو اس صورت میں غسل کس پر واجب ہوگا؟

جواب: اگر سو کر اٹھنے کے بعد میاں، بیوی نے ایک ہی بستر پر منی کا نشان دیکھا اور معلوم نہ ہوسکے کہ یہ کس کی منی ہے، جبکہ ان سے پہلے اس بستر پر کوئی اور شخص سویا بھی نہ ہو، تو اس صورت میں میاں، بیوی دونوں پر غسل کرنا فرض ہوگا، اور اگر کوئی دوسرا شخص ان سے پہلے بستر پر سو چکا ہو اور منی خشک ہو، تو اس صورت میں میاں، بیوی کسی پر بھی غسل کرنا فرض نہیں ہوگا۔