سوال:
مفتی صاحب! اگر کوئی شخص کھلے میدان میں غسل کرنا چاہے، تو کیا میدان میں غسل کرسکتا ہے؟
جواب: واضح رہے کہ مرد کے لئے ناف سے لے کر گھٹنوں تک ستر چھپانا ضروری ہے، اور دوسروں کے سامنے اس ستر کو کھولنا حرام ہے، لہذا اگر کوئی شخص اپنا ستر کپڑے یا رومال وغیرہ کے ذریعے چھپا کر کھلے میدان میں غسل کرے، تو اس صورت میں کھلے میدان میں غسل کرنا جائز ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الجوھرۃ النیرۃ: (284/2، ط: المطبعۃ الخیریۃ)
قوله (وينظر الرجل من الرجل جميع بدنه إلا ما بين سرته وركبته) «لقوله - عليه السلام - لعلي - رضي الله عنه - لا تنظر إلى فخذ حي ولا ميت»
واللہ تعالٰی اعلم بالصواب
دارالافتاء الاخلاص،کراچی