سوال: مفتی صاحب ! صبح اور شام میں پڑھنے والی کوئی ایسی دعا بتادیں، جس کے پڑھنے سے دن اور رات کے گناہ معاف ہوجائیں۔

جواب: صبح کے وقت یہ دعا پڑھیں:
اَللّٰہُمَّ اِنِّیْ اَصْبَحْتُ اُشْھِدُکَ وَاُشْھِدُ حَمَلَۃَ عَرْشِکَ وَمَلٰئِکَتَکَ وَجَمِیْعَ خَلْقِکَ اَنَّکَ اَنْتَ اللّٰہُ لَا اِلٰـہَ اِلَّا اَنْتَ وَاَنَّ مُحَمَّدًا عَبْدُکَ وَرَسُوْلُکَ۔
ترجمہ: اے اللہ ! میں نے صبح کی، میں تجھے اور تیرے حاملین عرش کو اور تیرے تمام فرشتوں کو اور تیری تمام مخلوق کو گواہ بناتا ہوں، اس بات پر کہ تو ہی اللہ ہے، تیرے سوا کوئی معبود نہیں اور اس بات پر کہ محمد صلی اللہ علیہ وسلم تیرے بندے اور تیرے رسول ہیں۔
شام کے وقت یہ دعا پڑھیں:
اَللّٰہُمَّ اِنِّیْ اَمسَیتُ اُشْھِدُکَ وَاُشْھِدُ حَمَلَۃَ عَرْشِکَ وَمَلٰئِکَتَکَ وَجَمِیْعَ خَلْقِکَ اَنَّکَ اَنْتَ اللّٰہُ لَا اِلٰـہَ اِلَّا اَنْتَ وَاَنَّ مُحَمَّدًا عَبْدُکَ وَرَسُوْلُکَ۔
ترجمہ: اے اللہ ! میں نے شام کی، میں تجھے اور تیرے حاملین عرش کو اور تیرے تمام فرشتوں کو اور تیری تمام مخلوق کو گواہ بناتا ہوں، اس بات پر کہ تو ہی اللہ ہے، تیرے سوا کوئی معبود نہیں اور اس بات پر کہ محمد صلی اللہ علیہ وسلم تیرے بندے اور تیرے رسول ہیں۔
(سنن لابی داؤد، باب ما یقول اذا اصبح، رقم الحدیث 5078)
فضیلت: جو شخص صبح کے وقت ان کلمات کو پڑھ لے، اس دن اس سے جتنے بھی گناہ سرزد ہوئے ہوں گے، سب معاف کر دیے جائیں گے، اور جو شخص ان کلمات کو شام کے وقت پڑھ لے، تو اس رات میں اس سے جتنے گناہ سرزد ہوئے ہوں گے، سب معاف کر دئیے جائیں گے۔