سوال: مفتی صاحب! صبح و شام کی دعاؤں میں سے کوئی ایسی دعا بتادیں، جس کے پڑھنے سے اس دن اور رات کی نعمتوں کا شکر ادا ہو جائے۔

جواب: صبح کی نعمتوں کا شکر بجا لانے کے لیے یہ دعا پڑھیں:
اللَّهُمَّ مَا أَصْبَحَ بِي مِنْ نِعْمَةٍ فَمِنْكَ وَحْدَكَ لَا شَرِيكَ لَكَ فَلَكَ الْحَمْدُ وَلَكَ الشُّكْرُ.
ترجمہ: اے اللہ! صبح کو جو نعمتیں میرے پاس ہیں، وہ تیری ہی دی ہوئی ہیں، تو اکیلا ہے۔ تیرا کوئی شریک نہیں ہے، تو ہی ہر طرح کی تعریف کا مستحق ہے، اور میں تیرا ہی شکر گزار ہوں۔
شام کی نعمتوں کا شکر بجا لانے کے لیے یہ دعا پڑھیں:
اللَّهُمَّ مَا أَمسٰی بِي مِنْ نِعْمَةٍ فَمِنْكَ وَحْدَكَ لَا شَرِيكَ لَكَ فَلَكَ الْحَمْدُ وَلَكَ الشُّكْرُ.
ترجمہ: اے اللہ! شام کو جو نعمتیں میرے پاس ہیں، وہ تیری ہی دی ہوئی ہیں، تو اکیلا ہے۔ تیرا کوئی شریک نہیں ہے، تو ہی ہر طرح کی تعریف کا مستحق ہے، اور میں تیرا ہی شکر گزار ہوں۔
(سنن لابی داؤد، باب ما یقول اذا اصبح، رقم الحدیث5073)
فضیلت: جس شخص نے صبح کے وقت ان کلمات کو پڑھ لیا، اس نے دن کی نعمتوں کا شکر ادا کردیا، اور جس شخص نے شام کے وقت ان کلمات کو پڑھ لیا، تو اس نے اس رات کی نعمتوں کا شکر ادا کردیا۔