سوال: مفتی صاحب ! جب مؤذن کی اذان کی آواز سنیں تو کیا دعا پڑھیں؟

جواب: جب مؤذن کی اذان کی آواز سنیں، تو یہ دعا پڑھیں:
أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ، رَضِيتُ بِاللهِ رَبًّا وَبِمُحَمَّدٍ رَسُولًا، وَبِالْإِسْلَامِ دِينًا۔
ترجمہ: میں گواہی دیتا ہوں کہ اللہ کے سوا کوئی معبود نہیں، وہ اکیلا ہے، اس کا کوئی شریک نہیں، اور محمد صلی اللہ علیہ وسلم اس کے بندے اور رسول ہیں۔
میں اللہ کے رب ہونے پر اور محمد صلی اللہ علیہ وسلم کے رسول ہونے پر اور اسلام کے دین ہونے پر راضی ہوں۔
فضیلت: حدیث شریف میں آتا ہے کہ جو اذان سنے اور یہ کلمات کہے، تو اس کے گناہ معاف کردیے جاتے ہیں۔
(صحیح مسلم،باب استحباب القول مثل قول المؤذن الخ، رقم الحدیث: 851)