سوال: مفتی صاحب ! وتر کے بعد پڑھی جانے والی دعا ارشاد فرمادیں۔

جواب: وتر کی نماز کے بعد یہ دعا پڑھیں:
(1) اَللّٰهُمَّ إِنِّي أَعُوذُ بِرِضَاكَ مِنْ سَخَطِكَ وَبِمُعَافَاتِكَ مِنْ عُقُوبَتِكَ وَأَعُوذُ بِكَ مِنْكَ لَا أُحْصِي ثَنَاءً عَلَيْكَ أَنْتَ كَمَا أَثْنَيْتَ عَلَى نَفْسِكَ۔
ترجمہ: اے اللہ ! میں تیرے غصے سے بچنے کے لیے تیری رضا مندی کی پناہ چاہتا ہوں، اور تیری سزا سے بچنے کے لیے تیری معافی کی پناہ چاہتا ہوں، اور میں تجھ سے ڈرتے ہوئے، تیری ہی پناہ چاہتا ہوں، میں تیری مکمل تعریف نہیں کر سکتا، تو اسی طرح ہے، جس طرح تو نے خود اپنی تعریف کی ہے۔
(سنن النسائی، باب الدعاء فی الوتر، رقم الحدیث: 1744)
وتر کی نماز کے بعد یہ بھی پڑھ سکتے ہیں:
(2) وتر کی نماز کے بعد تین مرتبہ "سُبْحَانَ الْمَلِكِ الْقُدُّوسِ" ( پاک ہے بادشاہ، بہت پاکیزہ) پڑھنا چاہیے۔

(سنن النسائي، التَّسْبِيحُ بَعْدَ الْفَرَاغِ مِنَ الْوِتْرِ وَذِكْرُ الِاخْتِلَافِ عَلَى سُفْيَانَ فِيهِ، رقم الحديث: 1749)