سوال: مفتی صاحب ! نماز سے پہلے کوئی ایسا عمل بتادیں، جس کے پڑھنے سے شیطانی وسوسوں سے حفاظت ہو۔

جواب:
جب نماز کے لیے کھڑے ہونے لگیں، تو یہ پڑھیں:

(1) اللَّهُ أَكْبَرُ كَبِيرًا اللَّهُ أَكْبَرُ كَبِيرًا (تین مرتبہ‏‏)
ترجمہ: اللہ کے لیے بہت زیادہ بڑائی ہے، اللہ کے لیے بہت زیادہ بڑائی ہے۔
(2) الْحَمْدُ لِلَّهِ كَثِيرًا الْحَمْدُ لِلَّهِ كَثِيرًا (3 مرتبہ)
ترجمہ: اللہ کے لیے بہت زیادہ تعریف ہے، اللہ کے لیے بہت زیادہ تعریف ہے۔
(3) سُبْحَانَ اللَّهِ بُكْرَةً وَأَصِيلًا (3 مرتبہ)
ترجمہ: صبح و شام اللہ کی پاکیزگی ہے۔
(4) اللَّهُمَّ إِنِّي أَعُوذُ بِكَ مِنَ الشَّيْطَانِ الرَّجِيمِ، ‏‏‏‏‏‏مِنْ هَمْزِهِ وَنَفْخِهِ وَنَفْثِهِ. ؔ

ترجمہ: اے اللہ ! میں تیری پناہ میں آتا ہوں، شیطان مردود سے، اس کے چھونے سے ، اس کی پھونک سے اور اسکے تھتکارنے سے۔
(ابن ماجہ، باب الاستعاذۃ فی الصلاۃ، رقم الحدیث: 804)