سوال: مفتی صاحب ! ایسا عمل بتادیں کہ جس کے پڑھنے سے صبح و شام کے وظائف کی کمی کی تلافی ہوجائے۔

جواب: صبح و شام کے وظائف کی تلافی کے لیے یہ پڑھیں:
فَسُبْحَانَ اللَّهِ حِينَ تُمْسُونَ وَحِينَ تُصْبِحُونَ وَلَهُ الْحَمْدُ فِي السَّمَاوَاتِ وَالْأَرْضِ وَعَشِيًّا وَحِينَ تُظْهِرُون يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَيُحْيِ الْأَرْضَ بَعْدَ مَوْتِهَا وَكَذَلِكَ تُخْرَجُونَ ۔
ترجمہ: لہذا اللہ کی تسبیح کرو، اس وقت بھی جب تمہارے پاس شام آتی ہے، اور اس وقت بھی جب تم پر صبح طلوع ہوتی ہے۔
اور اسی کی حمد ہوتی ہے، آسمانوں میں بھی اور زمین میں بھی۔ اور سورج ڈھلنے کے وقت بھی (اس کی تسبیح کرو) اور اس وقت بھی جب تم پر ظہر کا وقت آتا ہے۔
وہ جاندار کو بے جان سے نکال لاتا ہے، اور بے جان کو جاندار سے نکال لیتا ہے۔ اور وہ زمین کو اس کے مردہ ہوجانے کے بعد زندگی بخشتا ہے۔ اور اسی طرح تم کو (قبروں سے) نکال لیا جائے گا۔
(سنن لابی داؤد، باب ما یقول اذا اصبح، رقم الحدیث 5076)
فضیلت: حدیث شریف میں آتا ہے کہ جو شخص یہ کلمات صبح کے وقت کہے، اس کے دن کی (وظائف کی ) کوتاہیوں کی تلافی ہو جائے گی، اور جو شخص شام کو یہ کلمات کہے، اس کی رات کی (وظائف کی ) کوتاہیوں کی تلافی ہو جائے گی۔