سوال: مفتی صاحب ! صبح اور شام کی کوئی ایسی دعا بتادیں کہ اگر صبح پڑھیں تو شام تک اور شام کو پڑھیں تو صبح تک حفاظت ہو جائے۔

جواب: صبح اور شام حفاظت سے رہنے کے لیے یہ دعا پڑھیں:
سُبحَانَ اللَّهِ وَبِحَمدِهِ لَا قُوَّةَ إِلَّا بِاللَّهِ مَا شَاءَ اللَّهُ كَانَ وَمَا لَم يَشَأ لَم يَكُن أَعلَمُ أَنَّ اللَّهَ عَلٰى كُلِّ شَيءٍ قَدِيرٌ وَأَنَّ اللَّهَ قَد أَحَاطَ بِكلِّ شَيءٍ عِلمًا
ترجمہ: تمام پاکی اور تعریف اللہ ہی کے لیے ہے، اللہ کے سوا کسی میں طاقت نہیں، جو اللہ چاہے گا، وہی ہو گا، اور جو وہ نہیں چاہے، وہ نہیں ہو گا، میں جانتا ہوں کہ بیشک اللہ ہر چیز پر قادر ہے، اور اللہ اپنے علم سے ہر چیز کو محیط ہے۔
(سنن لابی داؤد، باب ما یقول اذا اصبح، رقم الحدیث 5075)

فضیلت: حدیث شریف میں آتا ہے کہ نبی صلی اللہ علیہ وسلم نے اپنی ایک صاحبزادی کو یہ دعا سکھاتے ہوئے فرمایا: جو شخص ان کلمات کو صبح کے وقت پڑھے گا، اس کی شام تک حفاظت کی جائے گی، اور جو شام کے وقت پڑھے گا، اس کی صبح تک حفاظت کی جائے گی۔