سوال: مفتی صاحب ! سونے کے لیے دائیں کروٹ پر لیٹنے کے بعد کون سی دعا پڑھنی چاہیے؟

جواب: سونے کے لیے دائیں کروٹ پر لیٹنے کے بعد یہ دعا پڑھیں:
اللَّهُمَّ ربّ السموات وَرَبَّ الْأَرْضِ وَرَبَّ الْعَرْشِ الْعَظِيمِ، رَبَّنَا وَرَبَّ كُلِّ شَيْءٍ، فَالِقَ الْحَبِّ وَالنَّوَى، وَمُنْزِلَ التَّوْرَاةِ وَالْإِنْجِيلِ وَالْفُرْقَانِ، أَعُوذُ بِكَ مِنْ شَرِّ كُلِّ ذِي شَرٍّ أَنْتَ آخِذٌ بِنَاصِيَتِهِ، اللَّهُمَّ، أَنْتَ الْأَوَّلُ فَلَيْسَ قَبْلَكَ شَيْءٌ، وَأَنْتَ الْآخِرُ فَلَيْسَ بَعْدَكَ شَيْءٌ، وَأَنْتَ الظَّاهِرُ فَلَيْسَ فَوْقَكَ شَيْءٌ، وَأَنْتَ الْبَاطِنُ فَلَيْسَ دُونَكَ شَيْءٌ، اقْضِ عَنَّا الدَّيْنَ، وَأَغْنِنَا مِنَ الْفَقْرِ.
ترجمہ: اے اللہ ! زمین، آسمان اور عرش عظیم کے رب، ہمارے اور ہر چیز کے رب، دانے اور گھٹلی کو پھاڑنے والے، تورات، انجیل اور فرقان کو اتارنے والے، میں ہر چیز کے شر سے پناہ مانگتا ہوں کہ اس کی پیشانی آپ کی گرفت میں ہے، اے اللہ ! آپ ہی اول ہیں، آپ سے پہلے کچھ نہیں، آپ ہی آخر ہیں، آپ کے بعد کچھ نہیں، آپ ہی ظاہر ہیں، آپ کے اوپر کچھ نہیں، آپ ہی باطن ہیں، آپ کے علاوہ کچھ نہیں، ہمارے قرضے کو ادا فرما اور ہمیں فقر سے مستغنی فرما۔
(صحیح مسلم، باب ما يقول عند النوم وأخذ المضجع، رقم الحدیث: 6889)