سوال: مفتی صاحب ! کوئی ایسی دعا ارشاد فرمادیں، جس کو صبح اور شام کے ساتھ رات کو بھی پڑھ سکتے ہوں۔

جواب: حضرت ابو بکر صدیق رضی اللہ عنہ نے نبی پاک صلی اللہ علیہ وسلم سے عرض کیا کہ مجھے ایسی دعا بتادیجیئے، جسے میں صبح و شام پڑھ لیا کروں، آپ صلی اللہ علیہ وسلم نے فرمایا: جب تم صبح یا شام کرو، یا سونے کے لیے جاؤ، تو یہ دعا پڑھ لیا کرو:
اللَّهُمَّ فَاطِرَ السَّمَوَاتِ وَالْأَرْضِ، عَالِمَ الْغَيْبِ وَالشَّهَادَةِ، رَبَّ كُلِّ شَيْءٍ وَمَلِيكَهُ، أَشْهَدُ أَنْ لَا إِلَهَ إِلَّا أَنْتَ، أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشِرْكِهِ۔
ترجمہ: اے اللہ ! آسمانوں اور زمین کے پیدا کرنے والے، چھپی اور ظاہری چیزوں کے جاننے والے، ہر چیز کے پروردگار اور مالک، میں گواہی دیتا ہوں کہ آپ کے سوا کوئی معبود نہیں، اور میں اپنے نفس کے شر سے، اور شیطان کے شر سے، اور اس کے شرک کی برائی سے پناہ مانگتا ہوں۔
(سنن لابی داؤد، باب ما یقول اذا اصبح، رقم الحدیث: 5067)