سوال: مفتی صاحب ! نماز میں پڑھنے والی کوئی دعا بتادیں۔

جواب: اللَّهُمَّ بِعِلْمِكَ الْغَيْبَ، وَقُدْرَتِكَ عَلَى الْخَلْقِ، أَحْيِنِي مَا عَلِمْتَ الْحَيَاةَ خَيْرًا لِي، وَتَوَفَّنِي إِذَا عَلِمْتَ الْوَفَاةَ خَيْرًا لِي، وَأَسْأَلُكَ خَشْيَتَكَ فِي الْغَيْبِ وَالشَّهَادَةِ، وَكَلِمَةَ الْإِخْلَاصِ فِي الرِّضَا وَالْغَضَبِ، وَأَسْأَلُكَ الْقَصْدَ فِي الْفَقْرِ وَالْغِنَى، وَأَسْأَلُكَ نَعِيمًا لَا يَنْفَدُ، وَقُرَّةَ عَيْنٍ لَا تَنْقَطِعُ، وَأَسْأَلُكَ الرِّضَاءَ بِالْقَضَاءِ، وَبَرْدَ الْعَيْشِ بَعْدَ الْمَوْتِ، وَلَذَّةَ النَّظَرِ إِلَى وَجْهِكَ، وَالشَّوْقَ إِلَى لِقَائِكَ، وَأَعُوذُ بِكَ مِنْ ضَرَّاءَ مُضِرَّةٍ، وَفِتْنَةٍ مُضِلَّةٍ، اللَّهُمَّ زَيِّنَّا بِزِينَةِ الْإِيمَانِ، وَاجْعَلْنَا هُدَاةً مُهْتَدِينَ۔
ترجمہ: اے اللہ ! اپنے غیب جاننے اور مخلوق پر قدرت رکھنے کے باعث مجھے اس وقت تک زندہ رکھ، جب تک تیرے علم کے مطابق میرے لیے زندگی بہتر ہو، اور مجھے اس وقت موت دے، جب تیرے علم کے مطابق میرے لیے موت بہتر ہو۔
اے اللہ ! بیشک میں حاضر اور غائب (دونوں حالتوں) میں تجھ سے تیری خشیت (ڈر) کا سوال کرتا ہوں، اور میں تجھ سے خوشی اور ناراضگی (دونوں حالتوں) میں حق بات کی توفیق کا سوال کرتا ہوں، اور میں تجھ سے مال داری اور تنگدستی میں میانہ روی کا سوال کرتا ہوں، اور میں تجھ سے ایسی نعمت کا سوال کرتا ہوں، جو ختم نہ ہو، اور تجھ سے آنکھوں کی ایسی ٹھنڈک کا سوال کرتا ہوں، جو ختم نہ ہو، اور تجھ سے تیرے فیصلوں پر راضی رہنے کا سوال کرتا ہوں، اور میں تجھ سے موت کے بعد زندگی کی ٹھنڈک (آرام) مانگتا ہوں، اور میں تجھ سے تیرے چہرے کے دیدار کی لذت کا سوال کرتا ہوں، اور تیری ملاقات کے شوق کا طلب گار ہوں، اور تیری پناہ مانگتا ہوں، تکلیف دہ مصیبت اور گمراہ کن فتنے سے۔اے اللہ ! ہمیں ایمان کی زینت سے مزین فرما اور ہمیں ہدایت یافتہ رہنما بنادے۔
(السنن النسائي، رقم الحديث: 1305)