سوال: مفتی صاحب ! رکوع سے کھڑے ہونے کے بعد کی دعائیں بتادیں۔

جواب: رکوع سے کھڑے ہو کر "سَمِعَ اللّٰہُ لِمَن حَمِدَہُ" (اﷲ نے اس بندے کی سن لی، جس نے اس کی تعریف کی) کے بعد "رَبَّنَا لَکَ الحَمدُ" ( اے ہمارے پروردگار ! آپ ہی کے لیے تعریف ہے) کہا جاتا ہے، اس کے ساتھ یہ بھی پڑھ سکتے ہیں:
(1) رَبَّنَا وَلَكَ الحَمْدُ حَمْدًا كَثِيرًا طَيِّبًا مُبَارَكًا فِيهِ
ترجمہ: اے ہمارے پروردگار ! آپ ہی کے لیے تعریف ہے، ایسی تعریف جو بہت زیادہ، پاکیزہ اور برکت والی ہے۔
(صحيح البخاري، بَابُ فَضْلِ اللَّهُمَّ رَبَّنَا لَكَ الحَمْدُ، رقم الحديث: 799)
(2) رَبَّنَا لَكَ الْحَمْدُ مِلْءَ السَّمَاوَاتِ وَالْأَرْضِ، وَمِلْءَ مَا شِئْتَ مِنْ شَيْءٍ بَعْدُ، أَهْلَ الثَّنَاءِ وَالْمَجْدِ، أَحَقُّ مَا قَالَ الْعَبْدُ، وَكُلُّنَا لَكَ عَبْدٌ: اللهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ۔
ترجمہ: اے ہمارے پروردگار ! تیرے ہی لیے اتنی تعریف ہے، جس سے آسمان اور زمین بھر جائیں، اور اس کے بعد ہر وہ چیز بھر جائے، جو تیری مشیت میں ہے، اے تعریف اور بزرگی کے مالک ! سب سے سچی بات جو بندہ نے کہی، جب کہ ہم سب تیرے ہی بندے ہیں، (یہ ہے کہ) اے اللہ ! جو کچھ تو عطا کرے، اسے کوئی روکنے والا نہیں، اور جس چیز کو تو روک دے، اسے کوئی دینے والا نہیں، اور کسی صاحبِ نصیب کو آپ کے (فیصلے کے) خلاف اس کا نصیب فائدہ نہیں پہنچا سکتا۔
(صحیح مسلم، باب ما یقول اذا رفع راسہ من الرکوع، رقم الحدیث: 1071)