سوال: مفتی صاحب ! سجدے میں پڑھی جانے والی دعائیں بتادیں۔

جواب: سجدے کی حالت میں مشہور تسبیح "سُبْحَانَ رَبِّیَ الْاعلٰی" (پاک ہے میرا پروردگار جو بلند تر ہے۔) ہے، وہ تو سجدے میں پڑھنا ہی چاہیے، لیکن نفلی نمازوں میں مندرجہ ذیل اذکار اور دعائیں بھی پڑھی جا سکتی ہیں:
(1) اَللّٰهُمَّ لَكَ سَجَدْتُ، وَبِكَ آمَنْتُ، وَلَكَ أَسْلَمْتُ، سَجَدَ وَجْهِي لِلَّذِي خَلَقَهُ، وَصَوَّرَهُ، وَشَقَّ سَمْعَهُ وَبَصَرَهُ، تَبَارَكَ اللهُ أَحْسَنُ الْخَالِقِينَ.
ترجمہ: اے اللہ ! میں نے تیرے ہی لیے سجدہ کیا اور تجھ پر ایمان لایا اور تیرے آگے اپنے آپ کو جھکایا، میرے چہرے نے اس ذات کو سجدہ کیا، جس نے اس کو پیدا کیا اور اس کی صورت بنائی اور اس میں کان اور آنکھ کے شگاف پیدا کیے، اللہ تعالی جو سب سے بہتر پیدا کرنے والا ہے، بہت برکت والا ہے۔
(صحيح مسلم، بَابُ الدُّعَاءِ فِي صَلَاةِ اللَّيْلِ وَقِيَامِهِ، رقم الحديث: 1812)

(2) سُبُّوحٌ قُدُّوسٌ، رَبُّ الْمَلَائِكَةِ وَالرُّوحِ
ترجمہ: اللہ پاک ہے، پاکی والا ہے، تمام فرشتوں اور روح (جبرئیل علیہ السلام)کا پروردگار ہے۔
(صحيح مسلم، بَابُ مَا يُقَالُ فِي الرُّكُوعِ وَالسُّجُودِ، رقم الحديث: 1091)

(3) سُبْحَانَ ذِي الْجَبَرُوتِ وَالْمَلَكُوتِ وَالْكِبْرِيَاءِ وَالْعَظَمَةِ۔
ترجمہ: پاک ہے وہ ذات جو غلبہ و قوت، ملکیت، بڑائی اور عظمت والی ہے۔
(سنن لابي داؤد، بَابُ مَا يَقُولُ الرَّجُلُ فِي رُكُوعِهِ وَسُجُودِهِ، رقم الحدیث: 873)

(4) سُبْحَانَكَ اللّٰهُمَّ رَبَّنَا وَبِحَمْدِكَ اَللّٰهُمَّ اغْفِرْ لِي۔
ترجمہ: اے اللہ ! میں آپ کی پاکی اور حمد بیان کرتا ہوں، اے اللہ ! میری مغفرت فرما۔
(صحيح بخاري، بَابُ الدُّعَاءِ فِي الرُّكُوعِ، رقم الحديث: 794)
(5) اَللّٰهُمَّ اغْفِرْ لِي ذَنْبِي كُلَّهُ دِقَّهُ، وَجِلَّهُ، وَأَوَّلَهُ وَآخِرَهُ وَعَلَانِيَتَهُ وَسِرَّهُ۔
ترجمہ: اے اللہ ! میرے تمام گناہوں کو معاف فرما، وہ چھوٹے ہوں یا بڑے، پہلے بھی اور پچھلے بھی، اعلانیہ ہوں یا خفیہ۔
(صحیح مسلم، بَابُ مَا يُقَالُ فِي الرُّكُوعِ وَالسُّجُودِ، رقم الحديث: 1084)
(6) اَللّٰهُمَّ أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ لَا أُحْصِي ثَنَاءً عَلَيْكَ أَنْتَ كَمَا أَثْنَيْتَ عَلَى نَفْسِكَ۔
ترجمہ: اے اللہ ! میں تیری ناراضگی سے تیری خوشنودی کی پناہ می آتا ہوں اور تیرے عذاب سے تیری معافی کی پناہ میں آتا ہوں اور تیرے (قہر) سے تیری ہی پناہ میں آتا ہوں، میں تیری تعریف ( کے پہلوؤں) کو شمار نہیں کر سکتا، تو ویسا ہی ہے، جیسا تو نے اپنی صفت بیان کی ہے۔
(صحيح مسلم، بَابُ مَا يُقَالُ فِي الرُّكُوعِ وَالسُّجُودِ، رقم الحديث: 1090)