سوال:
مفتی صاحب! اگر لڑکا لڑکی بغیر گواہوں کے ایجاب و قبول کرلیں، تو نکاح منعقد ہوجائے گا یا نہیں؟
جواب: واضح رہے کہ نکاح منعقد ہونے کے لئے مجلس نکاح میں دو گواہوں کا موجود ہونا شرط ہے، لہذا اگر بغیر گواہوں کے لڑکا لڑکی آپس میں ایجاب و قبول کرلیں، تو نکاح منعقد نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهداية: (185/2، ط: دار احیاء التراث العربي)
"ولاینعقد نکاح المسلمین إلا بحضور شاهدین حرین عاقلین بالغین مسلمین رجلین أو رجل، و امرأتین".
واللہ تعالٰی اعلم بالصواب
دارالافتاء الاخلاص،کراچی