سوال: حضرت ! ایک شخص خواتین سے ناجائز تعلقات رکھتا ہے، شراب نوشی بھی کرتا ہے اور باوجود سمجھانے کے باز نہیں آتا ہے، تو کیا اس کی بیوی طلاق کا مطالبہ کر سکتی ہے؟

جواب: سوال میں ذکر کردہ تفصیل اگر واقعی سچ ہے، تو ایسی عورت کے لیے حکم یہ ہے کہ دونوں طرف کے خاندانوں کے بااثر اور بااختیار بزرگ حضرات اس عورت کے شوہر کو سمجھا کر سیدھے راستے پر لانے کی کوشش کریں، اگر خدانخواستہ وہ پھر بھی اپنے برے کردار سے باز نہیں آتا، تو شرعاً اس عورت کیلئے جائز ہے کہ وہ اپنے شوہرسے طلاق یا خلع لے لے اور پھر عدت گزارنے کے بعد کہیں اور شادی کر لے۔