سوال: مفتی صاحب ! دشمن کے خلاف مدد مانگنے، اخلاقی برائیوں سے نجات اور اچھی خوبیوں کے حصول کے لیے دعا ارشاد فرمادیں۔

جواب: دشمن کے خلاف مدد مانگنے، اخلاقی برائیوں سے نجات اور اچھی خوبیوں کے حصول کی دعا
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الْهُدَى لِي، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مُطِيعًا، إِلَيْكَ مُخْبِتًا، إِلَيْكَ أَوَّاهًا مُنِيبًا، رَبِّ تَقَبَّلْ تَوْبَتِي، وَاغْسِلْ حَوْبَتِي، وَأَجِبْ دَعْوَتِي، وَاهْدِ قَلْبِي، وَسَدِّدْ لِسَانِي، وَثَبِّتْ حُجَّتِي، وَاسْلُلْ سَخِيمَةَ قَلْبِي
ترجمہ: اے میرے رب ! میری مدد فرما، اور میرے مخالف کی مدد مت فرما، اور میری تائید فرما، اور میرے مخالف کی تائید مت فرما، اور میرے حق میں تدبیر فرما، اور میرے خلاف کسی کی سازش کو کامیاب نہ فرما، اور مجھے ہدایت عطا فرما، اور ہدایت کو میرے لیے آسان فرما، اور اس شخص کے مقابلہ میں میری مدد فرما، جو مجھ پر زیادتی کرے،
اے میرے پروردگار! مجھے ایسا بنا، جو تیرا بہت شکر کرنے والا ہو، اور تیرا بہت ذکر کرنے والا ہو، اور تجھ سے بہت ڈرنے والا ہو، اور تیری اطاعت کرنے والا ہو، تیرے سامنے عاجزی کرنے والا ہو، تیرے سامنے رو رو کر رجوع کرنے والا ہو،
اے میرے پروردگار ! میری توبہ قبول فرما، میرے گناہ دھو ڈال، میری دعا قبول فرما، میرے دل کو ہدایت دے، میری زبان سیدھی رکھ، میری دلیل کو مضبوط فرما، اور میرے دل سے کینہ نکال دے۔
(سنن الترمذي: رقم الحديث: 3551)