سوال: مفتی صاحب! جب سفر میں سحر کا وقت ہو جائے، تو کون سی دعا پڑھنی چاہیے؟

جواب: حضرت ابو ہریرہ رضی اللہ عنہ سے روایت ہے کہ جب سفر میں سحر کا وقت (صبح صادق کے قریب) ہو جاتا، تو آپ صلی الله عليه وسلم یہ دعا پڑھتے:
سَمِعَ سَامِعٌ بِحَمْدِ اللَّهِ وَحُسْنِ بَلَائِهِ عَلَيْنَا رَبَّنَا صَاحِبْنَا وَأَفْضِلْ عَلَيْنَا عَائِذًا بِاللَّهِ مِنْ النَّارِ
ترجمہ: سننے والے نے ہم سے اللہ کی تعریف،اس کی نعمت اور ہم کو اچھے حال میں رکھنے کا اقرار سنا، اے ہمارے رب! تو ہمارے ساتھ رہ، اور ہم پر فضل فرما، میں یہ دعا کرتے ہوئے آگ سے اللہ کی پناہ مانگتا ہوں۔
(صحیح مسلم، باب التعوذ من شر ما عمل ومن شر ما لم یعمل، رقم الحدیث: 6900)