سوال:
میرا یہ سوال ہے کہ نماز کا وقت قریب ہو اور شرم گاہ سے منی خارج ہوجائے توکیا کپڑے کا وہ حصہ جس پر منی لگی ہو، اس حصے اور شرم گاہ کو دھوکر وضو کرکے نماز پڑھ سکتے ہیں یا نہیں یا اس کے لئے غسل کرنا ضروری ہوگا؟
جواب: واضح رہے کہ منی اگر شہوت کے ساتھ نکلی ہو تو اس صورت میں غسل کرنا لازم ہے، بغیر غسل کیے صرف وضو کرکے نماز پڑھ لینے سے نماز ادا نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (کتاب الطهارة، مطلب فی أبحاث الغسل، 107/1، ط: نعمانیہ)
تفرض الغسل عند خروج منی من العضو بشهوة إلا إذاعلم أنه مذی أو شک أنه مذی أو ودی إلي ماقال فلا غسل علیه اتفاقاً کالودی الخ
واللہ تعالٰی اعلم بالصواب
دارالافتاء الاخلاص،کراچی