سوال: آج کل عام طور پر بیچنے والے یہ دھوکہ دیتے ہیں، کسی چیز کو اصلی بتاتے ہیں، حالانکہ وہ نقلی ہوتی ہے اور اسے کسی خریدار کے ہاتھ فروخت کردیتے ہیں، اس بارے میں شریعت کا کیا حکم ہے؟

جواب: کسی نقلی چیز کو اصلی بتا کر فروخت کرنا ناجائز اور حرام ہے اور ایسی صورت میں خریدار کو حق حاصل ہوگا کہ وہ نقلی چیز بیچنے والے کو واپس کرکے اصلی چیز وصول کرے اور بیچنے والے پر شرعا لازم ہوگا کہ وہ خریدار سے نقلی چیز وصول کرکے اسے اصلی چیز ادا کرے، البتہ اگر نقلی چیز کو استعمال کرلیا گیا ہو یا وہ ختم ہونے کے قریب ہو، تو اس صورت میں اصلی اور نقلی چیز کی قیمت میں جو فرق ہوگا، اتنی رقم وہ بیچنے والے سے وصول کرسکتا ہے۔