سوال:
مفتی صاحب ! میرے ذمہ گھر کی صفائی وغیرہ ہے، جبکہ کھانے اور روٹی بنانے کی ذمہ داری دوسری بہنوں کے ذمہ ہے، روزہ کی حالت میں جب میں گھر کی صفائی کرتی ہوں اور جھاڑو لگاتی ہوں، تو مٹی کا گرد و غبار اڑ کر میرے منہ میں چلا جاتا ہے، کیا اس سے میرا روزہ ٹوٹ جائے گا؟
جواب: اگر روزہ کی حالت میں مٹی کا گرد وغبار اڑ کر بلا اختیار منہ میں چلا جائے، تو اس سے روزہ نہیں ٹوٹتا ہے، کیونکہ گرد و غبار ایسی چیز نہیں ہے، جس کا کھانا مقصود ہو اور اس سے بچنا بھی ممکن نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (395/2، ط: دار الفکر)
(أو دخل حلقه غبار أو ذباب أو دخان) ولو ذاكرا استحسانا لعدم إمكان التحرز عنه۔۔الخ
(قوله: لعدم إمكان التحرز عنه) فأشبه الغبار والدخان لدخولهما من الأنف إذا أطبق الفم كما في الفتح۔۔الخ
واللہ تعالٰی اعلم بالصواب
دارالافتاء الاخلاص،کراچی