سوال: میں ایک جوتوں کی دکان پر سیلزمینی کا کام کرتا ہوں اور رمضان میں چونکہ دکان رات 2 بجے تک کھلی رہتی ہے، تو میں گھر آکر کافی تھک جاتا ہوں، ایک دفعہ میرے والد نے مجھے سحری کے لئے اٹھایا، تو میں نے تھکاوٹ کی وجہ سے کہا کہ مجھے سونے دیں، آج میں بغیر سحری کے روزہ رکھوں گا، تو والد صاحب نے کہا کہ سحری کھالو، کیونکہ بغیر سحری کے روزہ نہیں ہوتا ہے، میں نے یہ سن کر سحری کرلی، لیکن میرے ذہن میں کھٹکا سا رہا، اب آپ میری رہنمائی فرمادیں کہ کیا واقعی روزہ کے لئے سحری کھانا ضروری ہے اور اس کے بغیر روزہ نہیں ہوتا ہے؟

جواب: روزہ کے لئے سحری کھانا مستحب ہے، یعنی اگر کسی نے سحری کی، تو باعثِ ثواب ہے اور اگر نہیں کی، تو کوئی گناہ نہیں ہے، لیکن روزہ صحیح ہونے کے لئے سحری کھانا ضروری نہیں ہے، لہذا اگر کوئی شخص سحری کھائے بغیر روزہ رکھ لے، تو اس کا روزہ صحیح ہوجائے گا۔