سوال:
اگر کوئی عورت وضو کے دوران سر پر مسح کرنے کے بجائے جلدی میں دوپٹہ پر مسح کرلے تو کیا اس سے مسح ہوجائے گا؟
جواب: عورت کے لئے دوپٹہ پر مسح کرنا جائز نہیں ہے، بلکہ سر پر مسح کرنا ضروری ہے، البتہ اگر کوئی ایسا باریک دوپٹہ ہو، جس پر مسح کرنے سے پانی کی تری بالوں تک پہنچ جاتی ہو تو ایسے دوپٹہ پر مسح کرنا جائز ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (6/1، ط: دار الفکر)
ولا يجوز المسح على القلنسوة والعمامة وكذا لو مسحت المرأة على الخمار إلا أنه إذا كان الماء متقاطرا بحيث يصل إلى الشعر فحينئذ يجوز ذلك عن الشعر.
واللہ تعالٰی اعلم بالصواب
دارالافتاء الاخلاص،کراچی