سوال: مفتی صاحب ! عید الاضحی کے موقع پر جانور ذبح کرتے وقت کی مسنون دعائیں ارشاد فرمادیں۔

جواب: عید الاضحٰی کے موقع پر جانور ذبح کرتے وقت کی مسنون دعائیں:
إِنِّي وَجَّهْتُ وَجْهِيَ لِلَّذِي فَطَرَ السَّمَوَاتِ وَالْأَرْضَ عَلَى مِلَّةِ إِبْرَاهِيمَ حَنِيفًا، وَمَا أَنَا مِنَ الْمُشْرِكِينَ، إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ لَا شَرِيكَ لَهُ، وَبِذَلِكَ أُمِرْتُ وَأَنَا مِنَ الْمُسْلِمِينَ، اللَّهُمَّ مِنْكَ وَلَكَ، وَعَنْ مُحَمَّدٍ وَأُمَّتِهِ بِاسْمِ اللَّهِ، وَاللَّهُ أَكْبَرُ
ترجمہ: میں نے پوری طرح یکسو ہو کر اپنا رخ اس ذات کی طرف کرلیا ہے، جس نے آسمانوں اور زمین کو پیدا کیا ہے، اور میں دینِ ابراہیم پر قائم ہوں اور میں شرک کرنے والوں میں سے نہیں ہوں۔
یقیناً میری نماز، میری قربانی، میری زندگی اور میری موت اللہ کے لیے ہے، جو تمام جہانوں کا پروردگار ہے، اس کا کوئی شریک نہیں، اور مجھے اسی بات کا حکم ہوا ہے، اور میں اللہ کے فرمانبرداروں میں سے ہوں۔
اے اللہ ! یہ تیری ہی طرف سے اور تیرے ہی لیے ہے، محمد صلی اللہ علیہ وسلم اور ان کی امت کی طرف سے قبول فرما، (میں) اللہ کے نام سے (ذبح کرتا ہوں) اور اللہ سب سے بڑا ہے۔
(السنن لابي داؤد، بَابُ مَا يُسْتَحَبُّ مِنَ الضَّحَايَا، رقم الحديث: 2795)
نوٹ: دعا میں مذکور الفاظ (عن محمد وامتہ) کے بجائے اپنا اور اہل و عیال کا نام لے یا جس کی طرف سے ذبح کررہا ہے، اس کا نام لے۔