سوال:
مفتی صاحب! بیماری اور تکلیف وغیرہ سے نجات کے لیے دعا بتادیں۔

جواب: بیماری اور تکلیف وغیرہ سے نجات کے لیے یہ دعا پڑھیں:
رَبَّنَا اللَّهُ الَّذِي فِي السَّمَاءِ تَقَدَّسَ اسْمُكَ أَمْرُكَ فِي السَّمَاءِ وَالأَرْضِ كَمَا رَحْمَتُكَ فِي السَّمَاءِ فَاجْعَلْ رَحْمَتَكَ فِي الأَرْضِ اغْفِرْ لَنَا حُوبَنَا وَخَطَايَانَا أَنْتَ رَبُّ الطَّيِّبِينَ أَنْزِلْ رَحْمَةً مِنْ رَحْمَتِكَ وَشِفَاءً مِنْ شِفَائِكَ عَلَى هَذَا الْوَجَعِ.
ترجمہ: ہمارا رب وہ اللہ ہے، جو آسمان میں ہے، (اے ہمارے رب !) تیرا نام پاک ہے، تیرا حکم آسمان اور زمین میں یکساں ہے، تیری رحمت جیسے آسمان میں ہے، ایسے ہی زمین میں بھی عام کردے، ہمارے گناہ اور خطائیں معاف کردے، تو پاک لوگوں کا پروردگار ہے، پس تو اپنے (خزانہ) شفاء سے شفاء اور (خزانہ) رحمت سے رحمت نازل فرما دے، اس بیماری پر(کہ یہ جاتی رہے)۔
(سنن لابي داؤد، باب كيف الرقى، رقم الحديث: 3892)
فضیلت: حدیث شریف میں آتا ہے کہ رسول اللہ صلی الله عليه وسلم نے فرمایا، تم میں سے جو بیمار ہو یا جس کا کوئی بھائی بیمار ہو، اور وہ یہ دعا پڑھ لے، تو اس بیماری سے صحت یاب ہو جائے گا۔