سوال: میں روزے رکھنے کا شوقین ہوں اور عام دنوں میں بھی نفلی روزے رکھنے کی کوشش کرتا ہوں، آپ سے ایک مسئلہ پوچھنا تھا کہ کیا عام دنوں میں سحری کا وقت فجر کی اذان شروع ہونے تک ہوتا ہے یا کب تک ہوتا ہے، رہنمائی فرمادیں؟

جواب: سحری کا وقت صبح صادق طلوع ہوتے ہی ختم ہوجاتا ہے اور اس کا مدار فجر کی اذان پر نہیں ہے، چاہے رمضان کا مہینہ ہو یا غیر رمضان ہو، دونوں کی سحری کے وقت میں کوئی فرق نہیں ہے، لہذا جس شخص کا روزہ رکھنے کا ارادہ ہو، تو اسے چاہیے کہ صبح صادق طلوع ہونے سے پہلے پہلے سحری کھانا چھوڑ دے اور فجر کی اذان شروع ہونے کا انتظار نہ کرے۔