سوال: اگر کوئی شخص اعتکاف میں بیٹھا ہوا ہو اور اس کے کسی رشتہ دار کا انتقال ہوجائے، تو کیا وہ رشتہ دار کے جنازہ میں شرکت کے لئے مسجد سے باہر جاسکتا ہے، اس سے اس کا اعتکاف تو نہیں ٹوٹے گا؟

جواب: واضح رہے کہ رشتہ دار کے جنازہ میں شرکت کے لئے بھی معتکف کا مسجد سے باہر نکلنا جائز نہیں ہے، اگر وہ مسجد سے باہر نکلے گا، تو اس کا اعتکاف ٹوٹ جائے گا، اور اس پر روزہ رکھنے کے ساتھ ایک دن رات کے اعتکاف کی قضا لازم ہوگی، البتہ جنازہ میں شرکت کے لئے معتکف اعتکاف توڑنے کی وجہ سے گناہ گار نہیں ہوگا۔