عنوان: کیا شہوت کی نظر دیکھنے سے انزال ہوجائے، تو اعتکاف ٹوٹ جائے گا؟(106958-No)

سوال: مفتی صاحب ! میرا ایک دوست چند ساتھیوں کے ساتھ اعتکاف میں بیٹھا تھا، ایک مرتبہ وہ اعتکاف میں ایک ساتھی کا موبائل استعمال کررہا تھا کہ اچانک اس میں فحش تصویریں دکھائی دیں، اور وہ اسے دیکھنے لگا، جس کی وجہ سے اسے انزال ہوگیا، بعد میں وہ اپنی اس حرکت پر بہت شرمندہ بھی ہوا، آپ سے یہ پوچھنا ہے کہ کیا اس صورت میں اس کا اعتکاف ٹوٹ گیا تھا؟

جواب: واضح رہے کہ عام حالات میں فحش تصویریں دیکھنا حرام اور سخت گناہ ہے اور اعتکاف کی حالت میں اس برے فعل کی شناعت اور بھی بڑھ جاتی ہے، لہذا اس سے اجتناب کرنا چاہیے، البتہ اگر اعتکاف کی حالت میں مذکورہ برے فعل کی وجہ سے انزال ہوجائے، تو اس سے اعتکاف نہیں ٹوٹے گا، البتہ مسجد کی بے حرمتی اور بد نظری کی وجہ سے گناہ گار ہوگا، لہذا اسے چاہیے کہ مذکورہ فعل پر ندامت کے ساتھ استغفار کرے۔

۔۔۔۔۔۔۔۔۔۔۔۔۔۔۔۔
دلائل:

کما فی الشامیۃ:

ولا يبطل بإنزال بفكر أو نظر۔۔۔الخ

(ج: 2، ص: 450، ط: دار الفکر)

وفی الفقہ الاسلامی:

لو أمنى بالتفكير أو بالنظر، أو باشر ولم ينزل، فلا يفسد اعتكافه عندالجمهور؛ لأنها مباشرة لا تفسد صوماً ولا حجاً، فلم تفسد الاعتكاف۔۔۔الخ

(ج: 3، ص: 1777، ط: دار الفکر)

واللہ تعالٰی اعلم بالصواب
دارالافتاء الاخلاص، کراچی
Print Full Screen Views: 241
kia sehwat ki nazar dekhnay say inzal hojaye to aetikaaf toot jayga?

Find here answers of your daily concerns or questions about daily life according to Islam and Sharia. This category covers your asking about the category of Aitikaf

Copyright © AlIkhalsonline 2021. All right reserved.

Managed by: Hamariweb.com / Islamuna.com