سوال:
مفتی صاحب ! کیا عید الفطر کی نماز پڑھنے کے بعد صدقہ فطر ادا کر سکتا ہوں؟
جواب: مستحب یہ ہے کہ عید الفطر کے دن عید الفطر کی نماز ادا کرنے سے پہلے صدقہ فطر ادا کردیا جائے، البتہ اگر کوئی شخص عید الفطر کی نماز پڑھنے کے بعد صدقہ فطر دینا چاہے، تو دے سکتا ہے، لیکن عید الفطر کے دن سے زیادہ تاخیر کرنا سنت کے خلاف اور مکروہ ہے، البتہ پھر بھی ادا کرنا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (367/2، ط: دار الفکر)
ويستحب إخراجها قبل الخروج إلى المصلى بعد طلوع فجر الفطر) عملا بأمره وفعله - عليه الصلاة والسلام - (وصح أداؤها إذا قدمه على يوم الفطر أو أخره) اعتبارا بالزكاة۔۔۔۔۔الخ
واللہ تعالٰی اعلم بالصواب
دارالافتاء الاخلاص،کراچی