سوال: السلام علیکم، مفتی صاحب! کیا روزے کی حالت میں دانتوں کی فلنگ یا روٹ کینال کرائی جا سکتی ہے؟
جزاک اللہ خیرا

جواب: روزے کی حالت میں دانتوں کی روٹ کینال اور فلنگ کے دوران، عام طور پر پانی کے قطرے حلق سے اتر جانے کا قوی اندیشہ ہوتا ہے، جس سے روزہ ٹوٹ جاتا ہے۔
لہٰذا بہتر یہ ہے کہ روزہ کے بعد ہی یہ عمل کرایا جائے، البتہ اگر شدید مجبوری ہو، جس کی وجہ سے یہ عمل کروایا جائے اور پانی حلق سے نیچے نہ اترے، تو روزہ نہیں ٹوٹے گا اور اگر اس صورت میں پانی حلق سے نیچے اتر جائے تو روزہ ٹوٹ جائے گا، اور اس روزے کی قضا لازم ہوگی۔