سوال: السلام علیکم، مفتی صاحب ! جنازہ گاہ کی شرعی تعمیر کیسی ہونی چاہیے، نیز اس میں محراب بنانے کا کیا حکم ہے؟

جواب: واضح رہے کہ جنازہ گاہ کی تعمیر کے لیے کوئی مخصوص شکل و وضع لازم نہیں ہے، البتہ اس بات کا خیال رکھا جائے کہ دورانِ نماز جنازہ قبریں سامنے نہ ہوں۔
محراب کی ضرورت تعینِ قبلہ کے لئے ہے، تاکہ محراب کو دیکھ کر نمازی اپنا قبلہ رُخ متعین کرسکے، اور اس سے صف کا درمیان بھی آسانی سے معلوم ہوجاتا ہے،چونکہ جنازہ کی نماز میں بھی قبلہ رخ ہونا ضروری ہے، اس لئے جنازہ گاہ میں محراب بنانے کی گنجائش ہے۔