سوال: السلام علیکم، مفتی صاحب ! یہ فرمائیں کہ روزہ کی حالت میں ویکسین لگانے سے (جو کہ پٹھوں ک ذریعے اینٹی باڈیز جسم میں داخل کئے جاتے ہیں) روزہ تو متاثر نہیں ہو گا؟ جزاک اللہ

جواب: واضح رہے کہ انجکشن خواہ رگ(Vein ) میں لگایا جائے یا پٹھوں (Muscle ) میں، اس سے روزہ نہیں ٹوٹتا، کیونکہ انجکشن میں مسامات (pores )کے ذریعے دوا بدن میں پہنچائی جاتی ہے، اس لیے انجکشن سے روزہ  نہیں ٹوٹتا، یہ ایسے ہی ہے، جیسے غسل یا زہریلے جانور کے کاٹنے کا اثر بدن میں سرایت کرجاتا ہے، مگر اس سے روزہ نہیں ٹوٹتا، البتہ تندرست آدمی کا طاقت کے لیے یا تازہ دم (Fresh) ہونے کے لیے انجکشن لگوانا مکروہ تنزیہی (خلافِ اولیٰ ) ہے۔