سوال: مفتی صاحب ! میرے دادا کے تین بچے (دو لڑکے انصار احمد، وقار احمد اور ایک لڑکی ثریا احمد) تھے، اور جائیداد میں تین مکان چھوڑے ہیں، بڑے بیٹے انصار احمد کا ایک لڑکا اور ایک لڑکی ہے، وقار احمد کی ایک لڑکی ہے، اور ثریا کی کوئی اولاد نہیں ہے، انصار احمد اور ثریا احمد کا انتقال ہوگیا ہے، تینوں مکان وقار احمد کے پاس ہیں، وہی اس کا کرایہ وصول کرتا ہے۔
معلوم یہ کرنا ہے کہ انصار احمد کے بچوں، بیوہ اور وقار احمد کا کتنا حصہ ہوگا؟
نوٹ: ذوالفقار احمد کا انتقال 1980 میں ہوا، ان کے بڑے بیٹے انصار احمد کا انتقال 1986 میں ہوا، ذوالفقار احمد کی بیوی کا انتقال 1988 میں ہوا اور ثریا احمد کا انتقال 2017 میں ہوا ہے۔

جواب: مرحومین کی تجہیز وتکفین٬ قرض کی ادائیگی اور اگر کسی غیر وارث کے حق میں جائز وصیت کی ہو٬ تو ایک تہائی کی حد تک وصیت نافذ کرنے کے بعد کل جائیداد کو چودہ سو چالیس (1440) حصوں میں تقسیم کیا جائے گا، جس میں سے وقار احمد کو ایک ہزار بیس (1020)، مرحوم انصار احمد کی بیوی کو تریسٹھ (63)، انصار کے بیٹے کو دو سو اڑتیس (238)٬ اور انصار احمد کی بیٹی کو ایک سو انیس (119) حصے ملیں گے۔
اور اگر فیصد کے اعتبار سے تقسیم کریں تو
وقار احمد کو %70.83 فیصد
مرحوم انصار احمد کی بیوی کو %4.375 فیصد
انصار احمد کے بیٹے کو %16.52 فیصد
انصار احمد کی بیٹی کو %8.26 فیصد ملے گا۔