سوال: حضرت ! میں ڈاکٹر ہوں اور افطاری کے بعد کلینک میں بہت رش ہوتا ہے، جس کی وجہ سے باجماعت نماز اور تراویح بھی چھوٹ جاتی ہے۔ اس سلسلے میں مجھے کیا کرنا چاہیے؟ رہنمائی فرمادیں۔ جزاک اللہ

جواب: یاد رہے کہ فرض نماز کی جماعت سنتِ مؤکدہ ہے، اسے بلا عذر ترک کرنا گناہ ہے، احادیث میں اس کے ترک پر سخت وعید سنائی گئی ہے۔
صورت مسئولہ میں اگر آپ کے پاس کوئی ایسا مریض موجود ہو، جس کا علاج مؤخر کرنے سے وہ مریض مشقت میں پڑ سکتا ہو، یا اس کی جان کو خطرہ ہو، تو آپ کے لئے عشاء کی جماعت ترک کرنا جائز ہوگا، اور اگر اس نوعیت کا کوئی مریض موجود نہ ہو، تو آپ کے لئے ضروری ہے کہ وقفہ لیکر نماز باجماعت کا مسجد میں یا ( اگر مسجد جانا مشکل ہو تو) اپنے کلینک میں اہتمام کریں۔
تراویح کی نماز تنہا پڑھنے سے ادا ہو جاتی ہے، لیکن نمازی جماعت کے ثواب سے محروم ہوجاتا ہے، اس لیے آپ کو چاہیے کہ آپ تراویح باجماعت ادا کرنے کا اہتمام کریں۔