سوال:
وضو کی حالت میں اگر ہاتھ پر بچے کا پیشاب یا نجاست لگ جائے تو کیا وضو ٹوٹ جائے گا یا صرف ہاتھ دھو کر نماز پڑھی جا سکتی ہے؟
جواب: اگر باوضو شخص کے جسم پر نجاست لگ جائے تو اس سےجسم کا وہ حصہ ناپاک ہوجائے گا اور نماز کے لیے اُس حصے کا دھو نا ضروری ہوگا، البتہ محض جسم پر نجاست لگنے سے وضو نہیں ٹوٹتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مصنف عبد الرزاق: (رقم الحدیث: 86)
عن معمر عن قتادة في رجل يصيب جسده البول او الدم وهو متوضئ قال يغسل أثر البول والدم ولا يتوضأ۔
الدر المختار: (220/1)
و یطھر محل غیرھا ای غیر مرئیۃ بغلبۃ ظن غاسل طھارۃ محلھا بلا عدد، بہ یفتی۔
واللہ تعالٰی اعلم بالصواب
دارالافتاء الاخلاص،کراچی