عنوان: یہ خیال ہو کہ سحری کا وقت موجود ہے اور کھانا کھا لیا بعد میں ٹائم دیکھا تو سحری کا وقت ختم ہو چکا تھا، اس روزے کا حکم(7395-No)

سوال: السلام علیکم، مفتی صاحب! ایک انسان سحری میں لیٹ اٹھتا ہے، اس کی سوچ میں سحری بند ہونے میں کچھ ٹائم باقی ہے اور دو چمچ چاول کھا لیتا ہے، پھر جب ٹائم دیکھتا ہے تو ٹائم 10 منٹ اوپر ہوتا ہے، اس کے بعد وہ اس پورے دن کچھ نہیں کھاتا، تو کیا روزہ ہو جائے گا؟ برائے کرم رہنمائی فرمائیں۔

جواب: رمضان المبارک کے مہینے میں اگر یہ سمجھ کر سحری کر لی کہ ابھی طلوعِ فجر میں وقت موجود ہے اور بعد میں وقت دیکھا تو معلوم ہوا کہ کھانے سے پہلے ہی وقت ختم ہو چکا تھا، تو اس صورت میں روزہ کی صرف قضا لازم ہوگی، کفارہ واجب نہیں ہوگا۔
تاہم ایسا شخص دن بھر روزہ داروں کی طرح کھانے پینے سے اجتناب کرے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

الفتاویٰ الھندیۃ: (214/1- 215)
"وکذا من وجب علیہ الصوم فی أول النھار لوجود سبب الوجوب والأھلیۃ ثم تعذر علیہ المضی فیہ بأن أفطر متعمدا أو أصبح یوم الشک مفطرا ثم تبین أنہ من رمضان أو تسحر علی ظن أن الفجر لم یطلع ثم تبین أنہ طالع فانہ یجب علیہ الامساک فی بقیۃ الیوم تشبھا بالصائمین".

رد المحتار: (405/2)
"(قولہ أوتسحر) أی یجب علیہ القضاء دون الکفارۃ لان الجنایۃ قاصرۃ وھی جنایۃ عدم التثبت لاجنایۃ الافطارلانہ لم یقصدہ".

نجم الفتاویٰ: (187/3)

واللہ تعالیٰ اعلم بالصواب
دارالافتاء الاخلاص،کراچی

Print Full Screen Views: 2927 Apr 29, 2021
ye khayal ho kay sehri ka waqt mojood hai or khana kha liya baad mai time dekha to sehri ka waqt khatam ho chuka tha us rozay ka hukum, Order / ruling for fasting, If a person thinks that the time for Suhoor / sehri is still remaing, and started eating, and looked at the time later and the time for Suhoor was over.

Find here answers of your daily concerns or questions about daily life according to Islam and Sharia. This category covers your asking about the category of Sawm (Fasting)

Managed by: Hamariweb.com / Islamuna.com

Copyright © Al-Ikhalsonline 2024.