سوال: مولوی صاحب ! اگر کوئی اپنے باپ کو بولے کہ اگر میری بیوی بڑی عید پر اپنی ماں کے گھرگئی تو وہ مجھ پر طلاق ہے، لیکن اگر وہ عورت بڑی عید پر نہ گئی اور عید کے بعد گئی تو کیا عورت کو طلاق ہوگئی؟

جواب: واضح رہے کہ اگر طلاق کسی شرط کے ساتھ معلق کرکے دی جائے، تو شرط پوری ہونے پر طلاق واقع ہو جاتی ہے، لہذا صورت مسئولہ میں اگر آپ کی بیوی بڑی عید پر ماں کے گھر نہیں گئی، تو عید کے بعد ماں کے گھر جانے کی صورت میں شرط نہ پائے جانے کی وجہ سے طلاق واقع نہیں ہوگی۔