سوال: مفتی صاحب ! ہمارے ایک امیر صاحب نے کہا کہ اعتکاف کرنے والا مسجد کی صفائی نہیں کرسکتا، تو کیا یہ بات صحیح ہے؟

جواب: ایسی کوئی بات نہیں ہے، معتکف مسجد کے حدود میں رہتے ہوئے مسجد کی صفائی کرسکتا ہے، کیونکہ مسجد کی صفائی بھی ثواب کا کام ہے، حدیث شریف میں آتا ہے کہ حضرت انس رضی اللہ عنہ سے روایت کہ جناب رسول اللہ ﷺ نے ارشاد فرمایا: میرے سامنے میری امت کے نیک کاموں کا ثواب پیش کیا گیا، یہاں تک کہ وہ تنکا بھی پیش کیا گیا، جس کو آدمی مسجد سے نکالتا ہے، یعنی اس کو بھی ثواب کا کام شمار کیا گیا ہے۔