سوال: میرے نانا ابو کا اس رمضان المبارک میں انتقال ہوا ہے اور وہ گزشتہ دو ماہ سے بیمار تھے، روزہ رکھنے کی قدرت نہیں تھی، کیا انکے طرف سے اس رمضان المبارک کے روزوں کا فدیہ ادا کرنا ہوگا یا نہیں؟

جواب: صورت مسئولہ میں اگر آپ کے نانا کا انتقال ایسی بیماری سے ہوا ہے، جس میں انہیں روزے رکھنے کی قدرت نہیں تھی، اور انہیں اتنی مدت نہیں ملی جس میں وہ ان فوت شدہ روزوں کی قضاء کرسکیں، تو ان پر اس بیماری میں قضاء ہونے والے روزوں کی قضاء لازم نہیں ہے، اور نہ ہی ان روزوں کے بدلے فدیہ دینا لازم ہے۔