سوال:
السلام علیکم، کیا تراویح میں چار رکعت ایک سلام کے ساتھ پڑھ سکتے ہیں؟
جواب: تراویح کی نماز میں ہر دو رکعت کے بعد سلام پھیرنا افضل ہے، اور یہی سنت متوارثہ ہے، لیکن اگر کوئی چار رکعت ایک سلام کے ساتھ پڑھ لے، تب بھی تراویح ادا ہو جائے گی، البتہ جان بوجھ کر اس طرح کرنے سے نماز مکروہ ہوجاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (495/2)
وہي عشرون رکعۃ بعشرۃ تسلیمات فلو فعلہا بتسلیمۃ، فإن قعد لکل شفع صحت بکراہۃ۔
واللہ تعالٰی اعلم بالصواب
دارالافتاء الاخلاص،کراچی