سوال: میں نے سنا ہے کہ آپ ﷺ اور حضرت خدیجہ رضی اللہ تعالی عنہا کا نکاح آپ ﷺ کے چچا ابو طالب نے پڑھایا تھا، جبکہ ابو طالب تو کافر تھے، میرا سوال یہ ہے کہ اگر کافر مسلمان کا نکاح پڑھا دے، تو کیا نکاح درست ہوجائے گا؟

جواب: نکاح کا خطبہ پڑھنا مستحب ہے، ضروری نہیں ہے اور بہتر یہ ہے کہ کوئی دیندار اور نیک شخص نکاح کا خطبہ پڑھے، البتہ اگر کسی کافر نے مسلمان کے نکاح کا خطبہ پڑھا اور دو گواہوں کی موجودگی میں عاقدین نے ایجاب و قبول کرلیا، تب بھی نکاح منعقد ہوجائے گا، کیونکہ نکاح دو گواہوں کی موجودگی میں محض ایجاب و قبول کرنے کا نام ہے اور نکاح خواہ کی حیثیت صرف معبر اور سفیر کی ہوتی ہے، لہذا کافر اگر مسلمان کا خطبہ نکاح پڑھ لے، تب بھی نکاح ہوجائے گا، البتہ بہتر یہ ہے کہ کوئی دیندار اور نیک شخص نکاح کا خطبہ پڑھے۔