سوال:
میں ایک بیوہ عورت سے نکاح کرنا چاہتا ہوں، جس کی مرحوم شوہر سے ایک بیٹی بھی ہے، کیا میں اس عورت سے اور میرا بیٹا اس عورت کی بیٹی سے بیک وقت نکاح کرسکتے ہیں؟
جواب: صورتِ مسئولہ میں چونکہ حرمتِ نکاح کا کوئی سبب موجود نہیں ہے، لہذا آپ کے لئے مذکورہ عورت سے اور آپ کے بیٹے کے لئے اس عورت کی بیٹی سے بیک وقت نکاح کرنا جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الآیۃ: 24)
وَاُحِلَّ لَكُم مَّا وَرَاءَ ذٰلِكُمْ۔۔۔۔الخ
و قوله تعالی: (النساء، الآیۃ: 3)
فَانكِحُوْا مَا طَابَ لَكُم مِّنَ النِّسَاءِ مَثْنٰى وَثُلاَثَ وَرُبَاعَ۔۔۔۔الخ
الدر المختار مع رد المحتار: (31/3، ط: دار الفکر)
وأما بنت زوجة أبيه أو ابنه فحلال ۔
(وأما بنت زوجۃ ابیہ الخ) ولا تحرم بنت زوج الأم ۔۔۔ ولا أم زوجۃ الأب ولا بنتھا۔
الفتاوی الھندیۃ: (277/1، ط: دار الفکر)
لا بأس بأن یتزوج الرجل امرأۃ ویتزوج ابنہ ابنتھا أو أمھا کذا فی محیط السرخسی۔
واللہ تعالٰی اعلم بالصواب
دارالافتاء الاخلاص،کراچی