سوال:
میری منگنی ہونے والی ہے، کیا میں منگنی کے موقع پر لڑکی کو انگوٹھی پہنا سکتا ہوں؟
جواب: واضح رہے کہ منگنی نکاح نہیں، بلکہ وعدۂ نکاح ہے اور وعدۂ نکاح ہونے کے بعد نکاح ہونے تک لڑکی لڑکے کے لئے غیر محرم ہی رہتی ہے، لہذا لڑکے کے لئے منگنی کے موقع پر لڑکی کو انگوٹھی پہنانا جائز نہیں ہے، کیونکہ اس صورت میں غیر محرم کو چھونا لازم آئے گا، جوکہ سخت گناہ ہے، کیونکہ حدیث شریف میں آتا ہے کہ ’’اپنے سر کو لوہے کے کنگن سے زخمی کرنا بہتر ہے اس بات سے کہ وہ نا محرم خاتون کو چھوئے‘‘۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
المعجم الکبیر: (212/20، ط: مکتبۃ ابن تیمیۃ)
عن أبي العلاء، حدثني معقل بن يسار، قال: قال رسول الله صلى الله عليه وسلم: «لأن يطعن في رأس رجل بمخيط من حديد خير له من أن يمس امرأة لا تحل له»
الفقہ الاسلامی و ادلته: (6508/9، ط: دار الفکر)
تحريم الخلوة بالمخطوبة :بينا أن الخطبة ليست زواجاً، وإنما هي مجرد وعد بالزواج، فلا يترتب عليها شيء من أحكام الزواج، ولا الخلوة بالمرأة أو معاشرتها بانفراد لأنهاماتزال أجنبيةعن الخاطب۔۔وأما المعاشرة قبل الزواج والذهاب معاً إلى الأماكن العامة وغيرها،فهو كله ممنوع شرعاً۔
واللہ تعالٰی اعلم بالصواب
دارالافتاء الاخلاص،کراچی