سوال:
مفتی صاحب! تراویح کی کیا فضیلت ہے؟
جواب: واضح رہے کہ نماز تراویح قیام اللیل میں شامل ہے، اس لیے قیام اللیل کے لیے جو فضائل آئے ہیں، وہ سب نماز تراویح کو بھی شامل ہیں۔چنانچہ حضرت ابوہریرہ ؓ سے روایت ہے کہ رسول اللہ ﷺ نے فرمایا: ’’جو شخص رمضان میں ایماندار ہو کر حصول ثواب کے لیے رات کے وقت قیام کرے گا تو اس کے سابقہ گناہ معاف کر دئیے جائیں گے۔ (صحیح البخاری، حدیث نمبر:37)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح البخاری: (كِتَاب الایمان، رقم الحدیث:37، ط: دار طوق النجاة)
حدثنا إسماعيل، قال: حدثني مالك، عن ابن شهاب، عن حميد بن عبد الرحمن، عن ابي هريرة، ان رسول الله صلى الله عليه وسلم، قال:" من قام رمضان إيمانا واحتسابا غفر له ما تقدم من ذنبه".
واللہ تعالٰی اعلم بالصواب
دارالافتاء الاخلاص،کراچی