سوال:
مفتی صاحب! ایک بیوہ عورت کا انتقال ہوا ہے، جس کی کوئی اولاد نہیں ہے اور والدین بھی نہیں ہیں، صرف بہن بھائی اور شوہر کی دوسری بیوی اور اس کے بچے ہیں۔
معلوم یہ کرنا ہے کہ مرحومہ کی جائیداد کے حقدار کون ہوں گے؟
جواب: صورتِ مسئولہ میں مرحومہ کی تمام جائیداد منقولہ و غیر منقولہ مرحومہ کے بہن بھائیوں میں شریعت کے میراث کے قانون کے مطابق تقسیم ہوگی، اس تقسیم کے مطابق بھائی کو بہن کے مقابلہ میں دوگنا ملے گا، جبکہ مرحومہ کی میراث سے شوہر کی دوسری بیوی یا اس کے بچوں کو کچھ نہیں ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الآیۃ: 176)
وَإِن كَانُواْ إِخْوَةً رِّجَالاً وَنِسَاءً فَلِلذَّكَرِ مِثْلُ حَظِّ الْأُنثَيَيْنِ۔۔۔۔الخ
واللہ تعالٰی اعلم بالصواب
دارالافتاء الاخلاص،کراچی