سوال:
مفتی صاحب ! فرض نماز کی تیسری اور چوتھی رکعت میں سورہ فاتحہ اور کوئی سورت نہ پڑھیں تو نماز ہوجائیگی؟
جواب: فرض کی صرف ابتدائی دو رکعت میں سورة الفاتحہ کے ساتھ کسی سورت کا ملانا یا تین چھوٹی یا ایک بڑی آیت کا ملانا واجب ہے اور آخری رکعتوں میں صرف سوره فاتحہ پڑھنا مسنون ہے، جان بوجھ کر سورہ فاتحہ چھوڑنا خلافِ مسنون ہے، لہذا اگر کسی نے فرض نماز کی آخری دو رکعتوں میں سوره فاتحہ نہ پڑھی تو نماز ہوجائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (491/1، ط: دار الفکر)
(قرأ المصلي لو إماما أو منفردا الفاتحة و) قرأ بعدها وجوبا (سورة أو ثلاث آيات) ولو كانت الآية أو الآيتان تعدل ثلاث آيات قصارا
و فیه ایضا: (511/1، ط: دار الفکر)
(واكتفى) المفترض (فيما بعد الأوليين بالفاتحة) فإنها سنة على الظاهر، ولو زاد لا بأس به (وهو مخير بين قراءة) الفاتحة وصحح العيني وجوبها (وتسبيح ثلاثا) وسكوت قدرها، وفي النهاية قدر تسبيحة، فلا يكون مسيئا بالسكوت (على المذهب) لثبوت التخيير۔
واللہ تعالٰی اعلم بالصواب
دارالافتاء الاخلاص،کراچی