سوال: مفتی صاحب! پوچھنا یہ ہے کہ ایک مرتبہ میرا دوست گھر آیا، اور باتوں باتوں میں کہنے لگا کہ اتنے روپے آپ پر میرا قرضہ ہے، حالانکہ میرے ذمہ اس کا کوئی قرضہ نہیں تھا، میں اس کا سارا قرضہ ادا کرچکا تھا، پھر آہستہ آہستہ بات بڑھی، تو میں نے کمرے میں موجود قرآن کی طرف اشارہ کرکے کہا کہ "آئندہ میں آپ سے کبھی قرضہ نہیں لوں گا، میرے ذمہ آپ کی کوئی رقم لازم نہیں ہے، سامنے قرآن رکھا ہے"، سوال یہ ہے کہ کیا قسم ہوگئی ہے، اور آئندہ دوست سے قرضہ لینے کی صورت میں کفارہ دینا پڑے گا؟

جواب: واضح رہے کہ قسم منعقد ہونے کے لئے لیے زبان سے قسم کے الفاظ کی ادائیگی ضروری ہے، صرف قرآن کی طرف اشارہ کرنے سے قسم منعقد نہیں ہوتی ہے، لہذا کفارہ بھی واجب نہیں ہوگا۔